Saluton! Ĉu vi aŭdis pri Polyglot Gathering?
Polyglot Gathering (aŭ Esperante: Plurlingvula Kunveno) estas la plej granda internacia evento por poliglotoj kaj lingvemuloj, organizata ĉiujare fine de majo. Ĉi tiu bonega evento estas plena de fascinaj prelegoj, riĉaj kulturaj prezentoj kaj amuza socia programo. Kaj la plej bona afero? Ĉio temas pri lingvoj!
Dum la aranĝo, la partoprenantoj kundividas sian amon kaj plenumas sian pasion pri kulturoj kaj lingvoj, interŝanĝas konsilojn kaj spertojn, kaj, plej grave, uzas kaj ekzercas multajn lingvojn por diskuti, aŭskulti, lerni kaj amikumi. Lernantoj, instruistoj, ŝatantoj, komencantoj, profesiuloj, sciencistoj, edukistoj: Polyglot Gathering taŭgas por ĉiuj el ni! Ĉu vi pretas aliĝi al ni?
Ĉu vi pretas por duobla poliglotumado en 2024?
Ĉi jare ni pretigas du eventojn por vi:
- Polyglot Gathering Online, rete de la 29-a de februaro ĝis 3-a de marto.
- The Polyglot Gathering in Prague, Czech Republic from May 15 to 19.
Kion diris la partoprenantoj pri la antaŭaj eventoj?
Polyglot Gathering ŝanĝis mian vivon. Mi estis la sola homo, kiun mi konas, kiu ŝatas lerni lingvojn, kaj kvankam miaj amikoj subtenis mian hobion, mi neniam vere povis paroli al ili pri (kaj en!) diversaj lingvoj. Ĉi tiu mirinda komunumo helpis al mi pli bone kompreni min kaj mian amon de lingvoj, donis al mi dekojn da proksimaj amikoj por la vivo kaj eĉ helpis al mi krei sukcesan lingvan entreprenon. Aliĝu al ni!
Polyglot Gathering estas bonveniga kaj vigla celebro de la ĝojo de lingvolernado. Vi aŭdos inspirajn prelegojn, ricevis utilajn konsilojn kaj havos okazos kundividi vian entuziasmon kun malnovaj kaj novaj amikoj. Ĝi estas elstara momento en mia lingvolerna jaro.
Mi iras al Polyglot Gathering ĉiujare. En 2020 mi tre ĝojis babili kun malnovaj kaj novaj amikoj en la reta versio. Mi senpacience atendas, ĝis kiam mi denove povos paroli kun pli da lingvemuloj ĉi-jare!
Polyglot Gathering, kaj persone kaj rete, havis grandan influon al mia vivo. Estas mirinde esti ĉirkaŭata de homoj el diversaj devenoj, kiuj havas la saman intereson kaj instigas unu la aliajn, ne gravas kiom da lingvoj vi parolas. Pasintjare la reta aranĝo superis ĉiujn miajn atendojn kaj mi antaŭĝojas sperti tion denove ĉi-jare: aŭskulti fascinajn prelegojn, renkonti malnovajn amikojn en lingvaj ekzercejoj kaj ekkoni novajn amikojn dum sociaj programeroj estas nur kelkaj ekzemploj de tio, kio igas Polyglot Gathering iom kara por mi.
Dankegon pro ĉi tiu evento! Mi neniam ĉeestis pli inkluzivan eventon – homoj el tiom da landoj, de diversaj aĝoj, parolantaj tian grandan kvanton da lingvoj! Mi ĝojas, ke mi havis ŝancon partopreni kiel gasto kaj preleganto, kaj mi jam antaŭĝojas pri la venontjara Polyglot Gathering!
Dankegon, ke vi organizis tiun aranĝon rete. Mi malkovris mian pasion por lingvoj antaŭ preskaŭ 10 jaroj kaj mi revis partopreni en lingvemula konferenco dum jaroj. La reta platformo ebligis al mi partopreni. Mi estas plene kontenta pri ĉio kaj antaŭĝojas partopreni (persone) en la estonteco.
Dankegon pro la organizado de ĉi tiu reta evengo, estis bonege, mi sentis min, kvazaŭ mi trovus mian veran hejmon, kaj mi multegon lernis!
Mi estis impresita de ĉi tiu bone organizita reta aranĝo. Mi aprezas vian preparon kaj malfacilan laboron. Mi volis partopreni en Polyglot Gathering dum jaroj, kaj vi realigis mian revon. Dankon!
Kiom da lingvoj mi devas paroli por aliĝi?
Vian gepatran lingvon! Jen ĉio.
Ne estas postulo paroli multajn lingvojn. Gravas nur via aliro al ili: se vi amas lerni lingvojn kaj vi volas renkonti samideanojn, kiuj same amas lingvojn, Polyglot Gathering estas la ĝusta loko por vi!
Kial indas aliĝi?
Renkontu novajn amikojn
Se vi pensas ke lerni lingvojn estas bonega libertempa aktivaĵo kaj vi lernas novajn kaj novajn en via libera tempo, kie alie vi trovos pli ol 500 homojn kun ĉi tiu pasio? ? Ĝi estas la plej bona loko por trovi samideanajn amikojn.
Renkontu aliajn profesiulojn
Partopreni en la Polyglot Gathering certe helpos al vi, se vi estas prilingva profesiulo, instruisto, interpretisto aŭ tradukisto, kaj ŝatus celkonscie retumi kun samideanoj, diskonigi vian paradigmoŝanĝigan aliron al lingvolernado sen strebado reinventi la radon. Se tiuj temoj allogis vin al tiu ĉi retejo, nu, ni nepre parolu kun vi dum la evento!
Vizitu la koron de Ĉeĥio
Ĉeĥio estas lando, kiu devus esti en via vojaĝlisto. Kun siaj ĉarmaj historiaj urboj, pitoreskaj vilaĝoj kaj diversa natura beleco, ĉi tiu mezeŭropa juvelo ofertas ampleksan gamon de vidindaĵoj kaj spertoj. Estas io por ĉiuj ĉi tie, do nepre plilongigu vian viziton kaj esploru la unikajn kaj allogajn aspektojn de Ĉeĥio!
Plibonigu vian ĉeĥan
Esplori la ĉeĥan lingvon en Prago estas inda sperto. Kvankam majstri la frazon strč prst skrz krk eble ne estas nepraĵo, eĉ ĉiutagaj vortoj kiel čtvrtek (ĵaŭdo) kaj zmrzlina (glaciaĵo) povus esti sufiĉe malfacilaj! Lernado de la ĉeĥa malfermas pordojn al aŭtentaj interagoj, kulturaj komprenoj kaj pli profunda ligo kun la vigla atmosfero de Prago.
Vojaĝu
Vojaĝu en Centra kaj Orienta Eŭropo: Germanio, Pollando, Slovakio, Aŭstrio ĉiuj estas en la Schengen-Areo, kaj ne estas kromkostoj por poŝtelefonaj vokoj aŭ interreto, kio multe plifaciligas vojaĝadon.
Kion homoj faras dum Polyglot Gathering?
Polyglot Gathering en bildoj
Kiu organizas ĉi tiun eventon?
La fondintoj de la aranĝo kaj ĉeforganizantoj de la unuaj tri fojoj en 2014–2016 estis Judith Meyer, Chuck Smith kaj Martin Sawitzki. Poste Polyglot Gathering translokiĝis de Berlino (Germanio) al Bratislavo (Slovakio) kaj estas ekde tiam organizata de la neprofitcela organizo Edukado@Interreto (E@I) sub gvidado de Peter Baláž kiel ĉeforganizanto, kune kun la cetero de la multlingva teamo de la organizo.
Edukado@Interreto (E@I) estas internacia teamo, kiu plenumas retajn projektojn kaj kiu ekaktivis en 1999. Surbaze de la sperto de la teamo, E@I oficialiĝis en 2005 kiel politike neŭtrala kaj neregistara junulara organizo.
La vizio de E@I estas mondo en harmonio kaj paco, kie ĉiuj civitanoj povas interkomuniki tutmonde facile kaj rapide.
La agadoj de tiu organizo estas realigataj kongrue kun tiu vizio, kaj kun la helpo de internacia teamo de volontuloj. Tiuj agadoj inkluzivas organizadon kaj subtenadon de projektoj, kiuj disvastigas la gravecon kaj utilecon de senbara internacia komunikado.
Se vi ŝatas la laboron de ĉi tiu organizo rilate al Polyglot Gathering kaj vi volus kontribui al realigado de ĝiaj projektoj, bonvolu konsideri subteni ĝin finance por helpi certigi la daŭripovecon de ĝiaj projektoj.
